1. Joen ofgedankte negootsie moakt bie n aander voak premootsie. ©
2. Ook n blinde mout je reken, kin je best d'ogen uutsteken. ©
3. Zeg je woorden dij je nait kinnen, kin je beter mor wat aans verzinnen ©
4. Leef je onder en boven de wet, din overleef je, zo is t mor net. ©
5. Wil j'in toukomst nait kreperen, din mout je de veuruutgang eren. ©
6. Lu dij alles aandikken, mouten n zetje stainen bikken. ©
7. Lu dij nijmoots denken te wezen, mouten K. ter Loan zien bouk ais lezen.©
8. Ook al gaait ter veul noar wins, toukomst ligt nait bie de mins. ©
9. t Is nait allind t vertraauwen, woarop je n toukomst baauwen.©
10. Hejje van informoatsie slim verlet, goa din mor surfen op internet. ©
11. Lu dij last hebben van de buren, kin je beter oordoppen sturen. ©
12. As joe t waark begunt te vervelen, kin joe t ainglieks niks meer schelen. ©
13. Geld verschiet je mit tegenzin, veuraal as wat vergees ook kin. ©
14. Vrumde kost uut vrumde pannen, leegt de daarms van vraauwen en mannen. ©
15. Al is n operoatsie nog zo klaain, ook dij kin je beter mor nait zain. ©
16. Sloatje kaauwen is tot doar aan tou, mor aal dat gekwaalster is n maal gedou. ©
17. Ligt ain toukomst zwoar op moage, stel doarover din gain vroage.©
18. Van heerntjes zoer, zolt en nij, kom je nait in schieterij.©
19. Is joen zin n aander te min, din het verstandeg proaten gain zin.©
20. Zit joen gebit t eten in de wege, zeg din
niks, gedroag joe dege.
21. k Heb vandoage weer wat vergees kregen, lutje Tammo het in de boksem megen. ©
22. As lu t leven nait meer verdroagen, mout je ze nait over t wotter joagen. ©
23. t Is zo beurd mit de goien en de slechten, as lu om t leste wotter vechten. ©
24. Lu dij aaltied in d'höchte kieken, zain gain mieghommels en tieken. ©
25. Lu dij heur kaptoal vergroten, helpen aandern noar de kloten. ©
26. Elk kin wel t weer veurspellen, as je mor gain tied vermelden. ©
27. Manlu mit n slim grode wavvel, binnen nait vies van n blode navvel. ©
28. As der lu binnen zunder moat, wordt bie n aander wat deur d'neuze boord. ©
29. Lu dij nait gewoon doun kinnen, waiten zulf nait dat ze schietpotten binnen. ©
30. Was n mins veurbestemd om roken te goan, haar zien neuze vervast ondersteboven stoan.©
31. Lu mit veul te lange tonen, dat binnen minnen en gain gewonen. ©
32. As n grienderd zit te jeremiëren was e in n veureg leven vervast n zoere heern. ©
33. Geef lu dij uut den vrumde kommen votdoadelk n pot mit zoere bommen. ©
34. Het aine aanmaarkens op joen toal, vertel hom din mor n aander verhoal. ©
35. Lu dij nait goud lezen wat ter staait, denken voak dat t hail aans gaait. ©
36. Geef joe over aan joen hormonen as t joe jeukt aan kop en tonen. ©
37. Komt de sleur ais in joen leven, zörg din dat je wat beleven. ©
38. Aal wat j'op n ol fietse leren, blift in stand en hol j'in eren. ©
39. As aine prat op zuide toon, paas din goud ,op das nait gewoon. ©
40. Manlu bie wel d'hormonen jeuken, kinnen wie vraauwlu makkelk verneuken. ©
41. As d'ekonomie lopt as n tuutje, kriegen kinder gain zolt in t puutje. ©
42. As aine nait in stoat is wat uut te leggen, mout je joe doar zo mor nait bie dele leggen. ©
43. Aal wat ik dou dat is privé en dat gaait van hier tot in de plee. ©
44. Neem veur t eten toch ale tied, aans bin je smoak ook zo weer kwiet. ©
45. Kinder kriegen is nait zo stoer, mor d'honderddoezend das n haile toer. ©
46. Ook n snakkerd of n bloaze is geboren mit n blode moaze. ©
47. Kinder kriegen is asmis n zegen, mor ze groot brengen vaalt voak tegen. ©
48. Komt joen klaainkind wat te loat, din ligt t aan t wicht of t komt van t zoad. ©
49. Vragt joe aine t hemd van t lief, zörgt dat voak veur ongerief. ©
50. Ontbrekt t joe aan inspiroatsie, lever je mainsttied n schietprestoatsie. ©
51. t Kon joe wel ais slim verdraiten as lu van alles van joe waiten. ©
52. Is joen knuvvel nait joen vraauw, krieg je vervast joen ogen blaauw. ©
53. Stoan joe d'hazzens zowat op knappen, kin je wizze nait veul meer snappen. ©
54. Wait j'ains n moal nils meer te zeggen, loat din d'aander d'aaier leggen. ©
55. Komt t hoogtepunt nait recht op tied, perbaaier t din op n aandere tiet. ©
56. Woarom over aandern kloagen, lu mouten joe toch ook verdroagen. ©
57. Lopt joen huusholden op de klippen, din staait joe t wotter tot de lippen. ©
58. Veur zulfkennis en discipline verdaint elk mins nog laank gain tiene. ©
59. Tref je n scharrel uut d'ol deuze, krieg je voak n tik op neuze. ©
60. Stamppot knollen en appelsienen helpen veul meer as medesienen. ©
61. Ain dij mit oog en haand slicht timed, wait van zokzulf dat e aibels voak graimt. ©
62. As j'in t leven te veul verwachten, goa j'op loop mit joen gedachten. ©
63. Loat joe aine in de steek, is dat n haile minne streek. ©
64. t Intellekt, dat kin je verwachten, loat t waark aan domme krachten. ©
65. Hangt joe d'onderboksem om de kont, din is joen reloatsie nait meer gezond©
66. Taisie kin al net zo reren as roadsleden dij de pot verteren. ©
67. Komt Sunterkloas mit n golden staf, din draai k mie om in mien graf. ©
68. Stuur nkander mit Kerst nait bloots n koartje, mor neem ook ais de tied veur n opbeurend proatje. ©
69. n Ol man mit n golden kroantje angelt zok voak n vrizze Swoantje. ©
70. Ook n blinde mout je reken, kin je best d'ogen uutsteken. ©
71. As elk zulf ais dee wat e van d’aander verwachtte, was dat meschain t begun van n Kerstgedachte.
72. Verschut Amor ains n moal n piele, jammer din vot gain snöt en kwiele. ©
73. Hol mit elk en ain reken, dij de broodkrummels steken. ©
74. Vragt joe ain d'oren van kop, geef der din gain antwoord op. ©
75. Ligt joen Outlook in de görde, let op t wachtwoord, neem din n körde. ©
76. Staait joe t wotter tot de lippen, begun din mor alvast te nippen. ©
77. Loop je mit n vraauw deur winkelstroaten, hol joen knibbe din mor goud in de goaten. ©
78. Wor nooit seupel of lebait, omreden hulp is der veur zoksent nait. ©
79. Overaal blift wat te gizzen, ook as j'in ain potje pizzen. ©
80. Wil j'as man n moal knientjesdoagen, mot je t wicht van Geertje vroagen. ©
81. Al is de postdoeve wat loat, aaltied komt ter proat van proat. ©
82. Puult Graddus aan mien bloeze, din zitten bie hom d’hormonen in toeze. ©
83. Wat je doun tegen joen zin, brengt joe vervast gain gewin. ©
84. Der wordt hail wat publiseerd, ook al is t nait d'muite weerd. ©
85. Lu dij t stoer vinden wat t'ontholden, huif j'ook niks meer veur te knollen. ©
86. Wel mit draank de strödde smeert, wait dat e over de weg laveert. ©
87. Wor j'aaltied op handen droagen, huif je nooit de weg te vroagen. ©
88. Lopen lu van boven bont, din is t van ondern wizze stront. ©
89. Gaait t in t leven te snel in draf, lig je gaauwachteg in t graf. ©
90. Zit joen neuze vol mit porren, is t slim stoer om schier te knorren. ©
91. Dicht op nkander is gezelleg, mor as t te gek wordt worden lu helleg. ©
92. Wordt joen pokkel stram en stief, het t ook gevolgen veur joen lief. ©
93. Lu dij zok n strikke knuppen, binnen vervast van dij juppen. ©
94. Waark je joezulf uut de noade, vaal je zomor van joen groade. ©
95. As j'uut joezulf n doodsmak moaken, binnen je nait wies of slim mesjokken. ©
96. Dicht op nkander is gezelleg, mor as t te gek wordt worden lu helleg. ©
97. Kiek toch beter uut joen doppen, lees nait bloots mor kraandekoppen. ©
98. Ain dij zo goud tjaauweln kin, komt ter bie mie nait meer in. ©
99. Ook lu dij nait veul duren, hebben asmis de vrumdste kuren. ©
100. Je kinnen beter op berre kroepen as tot daip in nacht te veul zoepen. ©
101. Aal wat nait op pepier zet is, is woarachteg gain gemis. ©
102. Wor j'aaltied op handen droagen, hejje over bloaren gain kloagen. ©
103. t Binnen voak de dikste eters dij lid binnen van de liggende vreters. ©
104. Zit ter aine verlegen om n proatje, het dij in nekke vervast n goatje. ©
105. Mit overspel in t ledikant, hol je ook n reloatsie in stand. ©
106. Dail j'n poedie mit nog ain, mag vervast dij ain t nait zain. ©
107. Bin je te vlogge mit joen babbel, din liggen joen plannen zo te grabbel. ©
108. Leef je goud mit veul gerief, paas din op veur n slim dik lief. ©
109. t Leven is asmis net as n ol vertuut: t is poesten en stìnnen en je kommen nait veuruut. ©
110. Kin je joe woarhaid nait meer heugen, bin je nait borsten van d'eerste leugen. ©
111. Bin je de weerden mörgen vergeten, hejje joen toukomst slim makkelk verscheten. ©
112. Ook al vuil je joe wat stram en stief, in t nijjoar is mien eerste stap positief. ©