Inhold

d'Achtervougsels -eg, -lek, -liek, -elk, en -erg

Regels:

t Achtervougsel -ig (in woorden as nodig) schrief je as -eg.

t Achtervougsel -lijk (in woorden as vrolijk) schrief je as -lek.

t Achtervougsel -lijk (in woorden as wonderlijk) schrief je as -liek.

t Achtervougsel -(e)lijk (in woorden as mogelijk) schrief je as -elk.

t Achtervougsel -erig (in woorden as zanderig) schrief je as -erg.

-eg	t Achtervougsel -ig komt in t Grunnegs nait veur. Wie bruken din -eg.
Veurbeeld 1	t Is nait neudeg om elk oardeg te vinden. Bie zunneg weer is t verstandeg om joe in te smeren.

-elk en -lek	Dizze achtervougsels schrieven wie in stee van -lijk.
Veurbeeld 2	Hou is t meugelk. t Is ìndelk zo wied. Hai is beheurlek smui in de bainen.

-erg	Woorden dij in t Nederlands op t ìnd -erig hebben kriegen in t Grunnegs -erg.
Veurbeeld 3	Wees toch nait zo schroaperg. Hai was d'haile dag al vranterg.

-liek	Sommege woorden op -lijk kriegen as achtervougsel -liek(s).
Veurbeeld 4	t Zag der slim wonderliek uut. t Is aigenliek nait eerlek.

Diktee	Vertoal de volgende zinnen in t Grunnegs:
	Hij gaf een bondig, een eerlijk en een duidelijk antwoord.
	Waarschijnlijk heeft hij gelijk, al is het niet gebruikelijk.
	Zij maakte een hatelijke opmerking.
	Je muut eigenlijk dadelijk komen.
	Wees voorzichtig en wees vooral niet nieuwsgierig.